Лопетеги: Не се плашиме од Ливерпул

Менаџерот на Вест Хем, Хулен Лопетеги изјави дека неговата екипа не се плаши од Ливерпул.

„Чеканите“ се домаќини на лидерите во Премиер лигата во недела во пресметката од 19. коло.

-Дали треба да се плашам? Не, нема страв. Имаме многу почит за секој тим и тоа важи и за Саутемптон и Ливерпул на ист начин, изјави шефот на Вест Хем на прес-конференцијата пред натпреварот.

На „Боксинг деј“, „чеканите“ го победија Саутемптон со 1-0, но дадоа дури пет жртви на натпреварот. Повредени се Лукаш Фабијански, Макс Килман и Карлос Солер, додека играчите од средниот ред Томаш Соучек и Гвидо Родригез добија жолти картони и се суспендирани на по еден натпревар.

Добрата вест за Лопетеги е враќањето на плејмејкерот Лукас Пакета по суспензијата.

-Ливерпул е најдобриот тим во Премиер лигата. Имаат врвни играчи, многу добар тренер и тие се на врвот на бранот во моментов, но мораме да веруваме во сопствените сили и можности. Ќе мора да донесеме некои одлуки за претстојниот натпревар, но ние сме среќни што можеме да играме дома, додаде Лопетеги.