Јувентус стави крај на серијата на Милан од осум натпревари без пораз

Јувентус вечерва го победи Милан со 2:0 во домашен натпревар од 21. коло во италијанскиот фудбалски шампионат.

Стрелец на првиот гол беше Самуел Мбангула во 59. минута. Пет минути подоцна Тимоти Веа го зголеми водството на домаќините.

Јувентус ја прекина серијата од четири порази во сите натпреварувања и се искачи на четвртото место во Серија А со 37 бодови, додека Милан го претрпе првиот пораз на девет натпревари. Тимот има 31 бод и се наоѓа на осмата позиција во италијанскиот шампионат.

Претходно Милан го исфрли Јувентус од Суперкупот на земјата. Во полуфиналето на турнирот на 3 јануари црвено-црните победија со резултат 2:1.