Рашфорд: Во Астон вила станав подобар

Фудбалерот на Астон вила, Маркус Рашфорд е задоволен од неговата форма по доаѓањето од Манчестер јунајтед. Рашфорд со два гола викендот го предводеше неговиот тим до победа над Престон во четвртфиналето на ФА Купот.

Астон вила го доби мечот со 3:0, Рашфорд погоди од игра во 58. минута, а пет минути подоцна реализираше пенал.

- Тоа е прекрасно чувство. Секогаш е убаво за напаѓачот да постигнува голови, па се надевам дека така ќе продолжи. Чувствувам дека станувам подобар и играм подобро откако се приклучив во Астон Вила. Моето тело се чувствува добро и сега уживам во фудбалот, изјави Рашфорд за „Goal“.

Рашфорд од февруари оваа година настапува за Астон вила како позајмен од Манчестер јунајтед.

За тоа време, 27-годишниот фудбалер одигра 10 натпревари за клубот од Бирмингем, на кои постигна два гола и направи четири асистенции