Овечкин испиша историја, стана најдобар стрелец во историјата на НХЛ

Хокеарот на Вашингтон, Александар Овечкин вечерва постигна гол на гостувањето кај Њујорк исландерс натпревар од регуларниот дел од НХЛ-лигата. Ова беше историски 895. гол на 39-годишниот Русин во кариерата на 1.487. натпревар во северноамериканската лига.

Овечкин го собори рекордот на Вејн Грецки за голови во регуларниот дел од сезоната (894 гола на 1.487 натпревари). Канаѓанец беше на врвот на вечната листа на стрелци во НХЛ од 23 март 1994 година, кога го постигна својот 802. гол, надминувајќи го Горди Хау. Грецки играше за Едмонтон, Лос Анџелес, Сент Луис и Ренџерс и се пензионираше по неговата 20-та сезона во април 1999 година.

Овечкин е во својата 20-та сезона во НХЛ. Русинот го постигна својот прв гол во лигата во неговиот деби натпревар на 5 октомври 2005 година.

На 18 јануари 2020 година, Овечкин го надмина Марио Лемие (690 гола) и се искачи во првите десет стрелци во лигата.

На 15 март 2022 година, Русинот се израмни и го престигна Јаромир Јагр (766) во првите 3.

Ноќта петок кон сабота на домашниот натпревар на Вашингтон со Чикаго, Овечкин постигна два гола го израмни рекорд на Грецки, а од вечерва е сам на вечната листа стрелци на најсилната хокеарска лига на светот