1,2 милиони луѓе побарале азил минатата година

Според податоците на Агенцијата за статистика на Европска унија (Евростат), 1,2 милиони луѓе побарале азил во ЕУ минатата година, од кои најголемиот број се Сиријци, Авганистанци и Ирачани.

Според Еуростат бројот на подносители на азил во 2016 година е помал во споредба со 2015, но бројката е речиси двојно поголема во однос на 2014 година.

Околу една третина кои пристигнале во земјите членки на ЕУ минатата година се од Сирија, потоа 183.000 од Авганистан и 127.000 се Ирачани.

Еуростат наведува дека 60 проценти од барањата се пополнети во Германија, а потоа следи Италија со 10 отсто, додека бројот на баратели на азил значително опаднал во Шведска, Финска. Данска и Унгарија.

Околу еден милион барања се уште се во процес на обработка од крајот на годината.