Ердоган: Првиот чекор ќе ми биде параф на Законот за смртна казна

Турскиот претседател Реџеп Таип Ердоган изјави дека очекува Парламентот да го усвои враќањето на смртната казна по одржувањето на референдумот за проширување на претседателските овластувања на 16 април.

- Семејствата на мачениците, хероите, не треба да се грижат. Верувам, со божја волја, дека по гласањето на 16 април, Парламентот ќе направи се што е потребно кога се во прашање вашите барања поврзани за смртната казна, истакна Ердоган, додавајќи дека „без размислување“ ќе го потпише законот за враќање на смртната казна.

Западните медиуми оценуваат дека со ваквиот потег би можело да се стави крај на патот на Турција кон членство во ЕУ.