Владини институции на Германија цел на сајбер напади

Пред парламентарните избори во Германија, државните служби го подигнаа нивото на тревога од сајбер напади на ниво „зголемена подготвеност“ наведувајќи дека сајтовите на владата се секојдневно изложени на напади.

– Регистрирани се напади врз владини мрежи на дневно ниво, изјави Арне Шенбом, претседател на германската Федерална канцеларија за информатичка безбедност.

Тој додава дека се во близок контакт со официјални лица задолжени за изборите, политички партии и сојузни германски држави за да се разговара за тоа како да се заштитат од сајбер напади. Шенбом нагласи дека Канцеларијата е подготвена за реакции на евентуални напади на денот на изборите.