Трамп повика на единство околу нападите во Сирија

Американскиот претседател Доналд Трамп ги повика „сите цивилизирани држави“ да се приклучат кон САД за да се стави крај на крвопролевањата во Сирија.

Трамп даде куса изјава откако од два американски воени брода во Средоземното Море беа испукани 59 ракети врз сириска база на ВВС.

Според Трамп, нападот брз базата, од каде на 4 април сириската авијација извршила хемиски напад врз цивили во провинцијата Идлиб, е „исклучително важен за националните интереси на САД“.

Тој додаде дека сирискиот режим поседува забранети хемиски оружја и дека САД треба да спречат нивно ширење.