Заза со два гола се продаде за 16 милиони евра

Шпанската Валенсија официјално го откупи договорот на напаѓачот Симоне Заза од Јувентус за 16 милиони евра.

Репрезентативниот голгетер на „аѕурите“ дојде на заем на „Месталја“ во јануари, а официјално играч на „лилјаците“ стана два дена откако со двата гола на Валенсија ѝ донесе победа на гостувањето во Гранада (3-1).

Заза во официјална сопственост на Валенсија ќе биде од први јули, а договорот го потпиша до јуни 2021 година.

Освен 16-те милиони кои ќе ги инкасира налето, Јувентус може да заработи и дополнителни два во зависност од бонусите.