Енрике: Повторно преживувам ноќна мора

Луис Енрике, тренерот на Барселона, изјави дека признава дека неговиот тим тешко дека ќе направи уште еден чудесен пресврт по новиот тежок пораз во првиот натпревар во нокаут-фазата на Лигата на шампионите.

Каталонскиот клуб во осминафиналето успеа да се пласира понатаму по поразот од 4-0 од ПСЖ бидејќи во реваншот славеше со 6-1 на негов терен.

Овој пат, Барселона заостанува со три гола во однос на Јувентус по првиот натпревар во Торино, а реваншот на програмата е следната среда.

„Овој пат ќе биде тешко да се направи пресврт. Се чувствувам како повторно да преживувам ноќна мора. Не можам да го исфрлам од глава првото полувреме“, изјави Енрике.

Пауло Дибала постигна два гола за 22 минути, а конечниот резултат го постави Џорџо Кјелини во второто полувреме за „старата дама“.

„Ќе биде тешко, но исто мислев дека ќе биде тешко да се изгуби како што беше случајот против ПСЖ. Првото полувреме беше тешко, многу слично со она во Париз, а иако бевме подобри во продолжението, првиот период беше одлучувачки. Тешко е за тренерот да се обиде да направи сè како што треба за тимот и потоа да сфати дека не успеал. Но, не сакам да размислувам за тоа во овој момент. Уште од денес мораме сè да тргнеме и да размислуваме дека ни се потребни три гола за да го изедначиме резултатот, а четири за да е пласираме понатаму“, додаде Енрике.