Финале пред финалето: Реал против Атлетико во полуфиналето

Денеска беа извлечени двојките за полуфиналето од Лигата на Шампионите.

Во првиот натпревар ќе се сретнат Италијанскиот шампион Јувентус со Француското изненадување годинава Монако, додека вториот натпревар кој воедно на прв поглед изгледа дека ќе биде поинтересен е реприза на ланското финале помеѓу Реал Мадрид и Атлетико Мадрид.

Првите натпревари ќе се одиграат на 2 и 3 мај, додека реваншите се на програмата наредната недела. Поуспешните екипи ќе се пласираат во финалниот натпревар, кој ќе се игра на „Милениум“ стадионот во Кардиф на 3 јуни.