Снегот што ја зафати државата предизвикува големи проблеми при движењето на возилата по лизгавиот асфалт. Рано утрово товарно возило изгуби контрола над заледениот коловоз и се изврте на влезот на Делчево. Како што информираат очевидци посериозни последици по возачот нема, а одбегната е и материјална штета.
Основното јавно обвинителство Скопје поведе истражна постапка против две лица поради постоење основано сомнение дека сториле кривично дело – Изнуда. На двете лица им е одредена мерка притвор. Осомничените, дејствувајќи во група заедно со уште едно лице кое е во бегство, со намера да прибават противправна имотна корист за себе и со сериозна закана по живот на оштетеното лице, се обиделе да го присилат да им даде 10.000 евра.
Членовите на најтесното семејство, роднини, соработници, колеги, пријатели денеска се простија од ненадејно починатиот градоначалник на Охрид, проф. д-р. Јован Стојаноски. Големата сала на Оштина Охрид беше претесна да ги прими сите што дојдоа на Комеморативната седница свикана во знак на сеќавање на градоначалникот Стојаноски.
Во кино „Култура“ денеска ќе биде промовирана книгата „Поглед кон внатре“ од проф. д-р Стево Пендаровски.
Возач на патничко моторно возило и еден пешак се здобиле со тешки телесни повреди во две од вкупно 40 сообраќајки случени во текот на викендот во Скопје. Во 12 сообраќајки со полесни повреди се здобиле 18 лица, а во 26 била причинета материјална штета.
Конференција за стандарди за добро управување во единиците на локалната самоуправа, во форма на форум со градоначалници на општини, претставници на општини, локални граѓански организации и централни државни институции ќе се одржи денеска во Скопје.
Шефот на делегацијата на ЕУ Самуел Жбогар и градоначалникот на Чаир, Висар Ганиу денеска ќе ја инаугурираат ЕУ улицата во Старата скопска чаршија.
Свечено доделување на наградата „Медиум промотор на новинарството како јавно добро – Роберто Беличанец“ во организација на Самостојниот синдикат на новинари и медиумски работници ќе се одржи денеска во Скопје.
Комеморативна седница ќе се одржи денеска во Охрид по повод ненадејната смрт на градоначалникот, проф.д-р Јован Стојаноски.
Советот на општина Охрид на вонредна седница свикана по повод ненадејната смрт на градоначалникот Јован Стојаноски едногласно донесе одлука денешниот ден (17 декември) да биде прогласеен за ден на жалост на територијата на општината.
