Бродот Rhosus, од кој бил конфискуван амоним нитратот, опасна материја што најмногу се користи како ѓубриво и за правење експлозиви, потонал во пристаништето на Бејрут во 2018 година, соопшти синоќа Њујорк тајмс.
Повеќе од 60 лица се уште се водат како исчезнати во Бејрут, четири дена по експлозијата во пристаништето, во која загинаа повеќе од 150 лица, изјави денеска портпаролот на либанското Министерство за здравство.
Епидемијата на Ковид-19 продолжува да се шири низ целиот свет, а Јужна Америка и Карибите поминаа најлошо, бидејќи бројот на смртни случаи вчера во регионот го надмина вкупниот број на жртви од инфекција со коронавирус во Европа.
Досега се потврдени речиси три милиони луѓе заразени во Бразил – 2.962.442 со новиот коронавирус, а од почетокот на пандемијата починале 99.572.
Американскиот претседател Доналд Трамп ќе го прими ирачкиот премиер Мустафа ал-Кадими во Белата куќа на 20 август, со кого ќе разговара за пандемијата на коронавирусот, безбедносната состојба, енергетиката и економијата, соопшти Белата куќа.
Речиси 300.000 Американци би можеле да умрат од Ковид-19 до 1 декември, според здравствените експерти на Универзитетот во Вашингтон, иако проценуваат дека може да се спасат 70.000 животи ако луѓето ги следат прописите за носење маски.
Со почетокот на учебната година, децата физички се враќаат на училиште во неколку американски држави, дури и таму каде што коронавирусот се уште е активно присутен, но карантин веќе мораше да се воведе по појава на болеста кај учениците.
Преговарачките тимови на Белата куќа и демократите не успеаја да договорат за програма за стимулирање на американската економија поради последиците од пандемијата на коронавирусот, јавија американски медиуми.
Бројот на потврдени случаи на заразени со новиот коронавирус во светот е зголемен за 1,8 милиони во изминатите седум дена, и тоа е најголем број новозаразени лица од почетокот на пандемијата за една недела.
Турскиот претседател Реџеп Тајип Ердоган го нарече поморскиот договор меѓу Грција и Египет „безвреден“ и додаде дека неговата земја ќе продолжи со контроверзното истражување за нафта и гас во источниот Медитеран.
