Германскиот министер за надворешни работи Хајко Мас денеска го критикуваше справувањето на САД со пандемијата на коронавирус оценувајќи го како премногу бавно.
Во Холандија, првата недела од април, регистрирани се околу 2.000 смртни случаи повеќе отколку во вообичаени околности, покажуваат податоците на владините институции што ги добиваат од Заводот на статистика на Холандија.
Затворениците во шест затвори во Еквадор почнаа да изработуваат ковчези за починатите од коронавирус, соопшти денеска затворската служба.
На францускиот носач на авиони „Шарл де Гол“ има регистрирано 50 случаи на заразени со новиот коронавирус, соопштија властите.
Во Катедралата Нотр Дам, која пред една година беше оштетена во пожар, парискиот надбискуп Мишел Упети ќе ја предводи службата по повод Велики петок според грегоријанскиот календар.
Од италијанското пристаниште Бари,со траект кој испловил синоќа, се пренесуваат телата на 12 албански државјани, кои починале од новиот корнавирус.
Руските компании треба да го зголемат производството на медицинска опрема за 25 пати во мај, согласно државниот налог и план, соопшти денеска заменикот министер за индустрија и трговија на Руската Федерација, Олег Бочаров.
Почнати се истраги за стотици смртни случаи од коронавирусот во домови за нега на стари лица во Милано и во целиот регион Ломбардија, јавија италијански медиуми.
Бројот на смртни случаи од новиот коронавирус во Индија се зголеми за 166 и сега изнесува 199, соопшти Министерството за здравство на земјата.
Италијанската Влада одлучи до 3 мај да го продолжи карантинот наметнат поради коронавирусот, што истече на 13 април, објавија италијанските медиуми повикувајќи се на синдикатите.
