Анкара ја предупреди ЕУ да не се меша во внатрешните работи на Турција и во постизборниот процес кој го спроведува високиот изборен совет на земјата, додека продолжуваат законските процедури за одредување на конечните резултати од последните локални избори.
Британската премиерка Тереза Меј утре ќе се сретне со германската канцеларка Ангела Меркел во Берлин, а за подоцна е планирано да оствари средба со францускиот претседател Емануел Макрон во Париз.
Претседателот на Турција, Реџеп Тајип Ердоган денеска повтори дека Западниот Брег „во секој случај е територија на Палестинците“, јави агенцијата Анадолија.
Новозеландскиот комесар за заштита на приватноста Џон Едвардс оцени дека социјалната мрежа Фејсбук морално банкротирала и се заложи неговата земја да ја следи Австралија која воведе закони кои предвидуваат апсење на директорот на мрежата ако насилство се пренесува во живо, како што беше случајот со нападот на џамиите во Крајстчрч.
Извидувачките и јуришни бродови на руската Црноморска флота, како и нејзините крајбрежни ракетни системи се во зголемена готовност поради НАТО вежбата во Црно Море, соопшти Контролниот центар за национална одбрана на руското Министерство за одбрана.
Европската Унија ги продолжи санкциите кон Иран до 13 април 2020, како резултат на лошата состојба со човековите права во земјата.
Цените на нафтата на светските берзи минатата седмица се зголемија петта недела по ред, достигнувајќи највисоко ниво лани од ноември.
Најмалку 2.200 луѓе побегнаа од борбите што се водат во јужниот дел на главниот град на Либија, Триполи од 4 април, соопшти хуманитарната канцеларија на Обединети Нации.
Поранешниот шеф на британската дипломатија Борис Џонсон во авторски текст објавен во денешниот број „Дејли Телеграф“ наведува дека Велика Британија не смее да се согласи на трајна царинска унија со ЕУ.
Хусите во Јемен прогласија вонредна состојба со цел борба против епидемијата на колера, која е распространета во подрачјата што тие ги држат под контрола, јави агенцијата Анадолија.
