Функционери од американската администрација планираат вториот самит на претседателот на САД Доналд Трамп и севернокорејскиот лидер Ким Џонг –ун да се одржи во Виетнам, информира Блумберг, повикувајќи се на неименувани извори упатени во плановите за средбата.
Израелската армија соопшти дека во Сирија врши напади врз цели на силите на Кудс, единица на иранската Револуционерна гарда. Тие ги предупредија сириските сили дека не напаѓаат сириска територија ниту нивните сили.
Турскиот претседател Реџеп Тајип Ердоган во телефонски разговор со американскиот претседател Доналд Трамп нагласил дека Турција е подготвена да преземе обезбедување на Мнаџиб во Сирија без одлагање.
Јапонскиот премиер Шинѕо Абе заминува во посета на Русија за да разговара со претседателот на таа држва Владимир Путин. За време на состанокот закажан за 22 јануари, двајцата лидери ќе се фокусираат на прашањето за мировен договор.
Бројот на загинати од експлозијата на нафтовод во Мексико се зголеми на 76 лица, додека неколку десетици повредени со потешки или полесни изгореници се уште се наоѓаат во болниците, пишува мексиканскиот весник „Ел Универсал“.
Израелскиот премиер Бенјамин Нетанјаху го посети денеска Чад поради официјално обновување на односите меѓу Израел и таа централноафриканска држава по речиси 50 години.
Јапонецот Масазо Нонака, кој со 113 година беше прогласен за најстар маж на светот почина денеска во својот дом во градот Ашоро.
Поради одлуката на дел од светски лидери да не учествуваат на Светскиот економски форум во Давос хотелите ќе имаат двојна заработка поради откажување на собите.
Две лица загинаа, а 20 се повредени во денешниот пожар што изби во францускиот скијачки центар Куршевел.
Американскиот претседател Доналд Трамп вчера се обиде да стави крај на блокадата на работата на Владата, нудејќи заштита за младите имигранти, кои како деца пристигнале во САД, под услов демократите да обезбедат 5,7 милијарди долари за изградба на ѕидот на границата со Мексико.
