Тајландското законодавство се согласи да го смени законот за лекови за да се овозможи лиценцирана медицинска употреба на марихуана и кратом, локално растение кое се користи како ситмуланс и против болки.
Осум луѓе загинаа, а 22 се повредени откако маж вооружен со нож киднапира автобус во кинескиот град Лонгјан, во провинцијата Фуџијан.
Индискиот премиер Нарендра Моди денеска го отвори најдолгиот комбиниран железнички и патен мост во Индија.
Полицијата денеска употреби солзавец и пукаше во воздух за да ги растера демонстрантите кои се обидуваа да стигнат до претседателската палата барајќи оставка од суданскиот претседател Омар Башир.
Американскиот претседател Доналд Трамп денеска изјави дека делумната блокада на сојузната Влада ќе трае се додека не се исполни неговото барање за финансирање на изградбата на ѕид на границата со Мексико.
Поголемиот број граѓани на Европска унија се против проширување на Унијата во следните година, додека жителите на земјите кандидатки и понатаму го поддржуваат членството во европскиот блок, покажуваат резултатите од анкетата на Евробарометар.
Мигел Анхел Ибара од Шпанија 18 години лажно се претставувал како свештеник – венчавал, крштевал деца, исповедал гревови… На крајот се дозна вистината и тој е разрешен од Католичката црква во Шпанија.
Поглаварот на Римокатоличката црква, папата Франциско денеска во традиционалната божиќа порака „За градот и светот“ (Урби ет орби) нагласи дека на разликите меѓу луѓето ттреба да се гледа како на богатство, а не како на опасност, повикувајќи на помирување во реоните каде беснеат судири.
Рускиот амбасадор во ОН, Василиј Небензја изјави дека односите меѓу Москва и Вашингтон „практично се непостоечки“ и тоа не е лошо само за двете земји туку и за светот, додавајќи дека се забележува мала можност за нивно подобрување.
Папата Франциско синоќа ги повика верниците од развиениот свет да живеат поедноставни, помалку материјални животи и го осуди длабокиот јаз меѓу сиромашните и бодатите.
