Според проекциите на ДИК, од досега преброените гласови Коалицијата „Твоја Македонија“ на ВМРО-ДПМНЕ во идниот 120 член собраниски состав би имала 59 пратеници, коалицијата Европски фронт на ДУИ 19 мандати, Коалицијата за европска иднина предводена од СДСМ 18
На овие избирачки места (84,26 отсто) од 1.509.715 запишани во Избирачкиот список гласале 704.885 гласачи или 46,69 отсто. Важечки се 663.457 гласови, неважечки се 40.193.
Претседателот на ДУИ Али Ахмети вечерва од седиштето на партијата во Мала Речица рече дека коалицијата „Европски фронт“ е втора сила во државата по денешните избори.
Движењето ЗНАМ - За наша Македонија вечерва испиша историја. Потврдивме минимум пратеничка група и некаде околу 60 илјади гласови. Ќе бидеме со граѓаните и ќе работиме за граѓаните, изјави вечерва претседателот на Движењето ЗНАМ Максим Димитриевски.
По досегашните преброени гласови ВМРО-ДПМНЕ би имале 59 пратеници, ДУИ 19 пратеници, СДСМ 18 пратеници, 13 за коалицијата ВРЕДИ, 6 за Левица и 5 за ЗНАМ.
Како што дополни, мора да се обидеме да ставиме крај на балканизацијата, да помагаме едни на други, да бидеме политичари.
Тој повика на спроведување на партиски избори на сите нивоа, без притоа конкретно да каже дека поднесува оставка. Додаде дека на изборниот конгрес ќе се организираат сите детали за спроведување на партиските избори.
Коалицијата ВЛЕН излезе како победник во сите општини со мнозинско албанско население. Од утре почнуваат преговорите за нова влада помеѓу ВМРО-ДПМНЕ и Коалиција ВЛЕН. Честитки на сите Албанци, честитки за сите граѓани, изјави Биљал Касами од БЕСА.
Според податоците на ДИК, Силјановска Давкова води во 67 општини, а Пендаровски во 12.
Сега веќе поранешниот претседател Стево Пендаровски, на прес-конференција по завршувањето на изборите го призна поразот и честиташе победа на Силјановска и на ВМРО-ДПМНЕ и им посака успешна работа.
