Вицепремиерот за економски прашања Кочо Анѓушев и министерот за земјоделство, шумарство и водостопанство денеска ќе ја посетат млекарницата „Сентис АГ“ во село Џепчишта, Тетовско.
Заев денеска оствари средба со новата директорка на бордот на директори на „Македонија 2025“ Вера Ставроф и новиот главен извршен директор Никица Мојсоска-Блажевски за можностите на продлабочување на соработката.
Платите треба да се зголемат, но, природно, а не со наметнувања кои во турбулентни времиња приватниот сектор тешко може да ги издржи, смета Сојузот на стопанските комори на Македонија (ССК).
Автопатот Штип – Миладиновци ќе биде пуштен во употреба откако ќе се реши проблемот со неколку сервисни патишта кои порано излегувале на регионалниот пат. Ова во рамки на денешната посета на Делчево го изјави директорот на Јавното претпријатие за државни патишта Зоран Китанов, кој посочи дека иако проектот за изградба на автопатот целосно е завршен, поради безбедносни причини и дорегулирање на сервисните патишта тој не може да биде пуштен во употреба.
Трошоците на сите министерства во Владата за периодот од јуни до ноември минатата година, изнесуваат 18.048.080 денари, што е над двојно помалку споредено со трошоците на министерствата на претходната влада за истиот период во 2015 година, кои изнесуваат 41.405.076 денари, покажува најновиот шестмесечен извештај за трошоците на функционерите од актуелниот владин состав.
Граѓаните при туристичките патувања да проверат дали агенцијата со која патуваат е лиценцирана и да потпишат договор пред патување за да не бидат измамени, апелираат од надлежните институции.
Одобрен е проектот „Регионален и локален развој“ што финансиски ќе биде поддржан и ќе се имплементира во рамките на ИПА 2 инструментот на Европската Унија. Имплементацијата ќе започне од 2020 година а целта е да се зголеми ефективноста, ефикасноста и јавната поддршка на локалното владеење. Ова денеска го посочи министерот за локална самоуправа Сухејл Фазлиу на конститутивната седница на секторска работна група за локален и регионален развој.
На регионалниот пат Делчево-Звегор- Граничен премин „Делчево“ од денеска се одвиваат активности за асфалтирање со планираната реконструкција која се очекува да биде завршена годинава.
Промени во регулативата за работни односи, преквалификација на невработените, креирање добро платени места, се дел од препораките со кои на компаниите ќе им се обебзеди регрутација на квалитетна работна сила и поголема конкурентност, но и ќе се намали одливот на квалитетниот кадар од државата.
Агенцијата за супервизија на капитално финансирано пензиско осигурување – МАПАС денеска издаде дозвола за основање на друштво за управување со задолжителни и доброволни пензиски фондови на Заваровалница Триглав ДД Љубљана, Република Словенија.