Министерката без ресор задолжена за странски инвестиции, Зорица Апостолска денеска ќе има работна средба со бизнис заедницата на општина Струмица.
Членките на Управниот одбор на Стопанската комора Македонија – Турција – МАТТО на средбата со министерот за финансии Драган Тевдовски му порачаа дека стапување на сила на законот за доход за месец и половина ќе создаде проблем.
Откупот на тутунот почна непречено и се одвива без застој, потврдуваат од Државниот земјоделски инспекторат. Во земјава откупуваат осум од деветте компании.
Рокот за избор на универзален снабдувач со струја е продолжен до 12 декември, и тоа е согласно законските рокови и зголемената транспарентност на процесот, изјави вицепремиерот Кочо Анѓушев за време на денешниот престој во Битола.
Вицепремиерот за економски прашања Кочо Анѓушев и министерот за транспорт и врски Горан Сугарески, во придружба на градоначалникот на Битола Наташа Петровска, извршија увид во изградба на железничката пруга Битола – Кременица.
Во Предлог-буџетот за 2019 година за секторот земјоделство проектирани се 10,5 милјарди денари кои според министерот за земјоделство, шумарство и водостопанство Љупчо Николовски треба да придонесат кон создавање на модерно и конкурентно земјоделство.
Асоцијацијата за е-трговија на Македонија и Економски факултет Скопје, при Универзитетот „Св. Кирил и Методиј” потпишаа меморандум за соработка, со цел заеднички да придонесуваат кон развојот на е-трговијата и развивањето на способностите, дигиталната писменост и градењето капацитети во секторот за е-трговија во Република Македонија.
Македонското решение ASAP на стартап компанијата Елевејт глобал (Elevate global) е меѓу победниците на инвестицискиот ден на Бетапич (BETAPITCH Global & Investors Day) на глобалниот стартап центар Бетахаус во Берлин, Германија.
Во струмичкиот регион интензивно тече откупот на тутунот, а на откупните пунктови пет компании вршат откуп.
Недостигот од квалификувана работна сила во македонската економија е сѐ поизразен, а дисбалансот на пазарот на труд е предизвик за стопанствениците, беше истакнато на денешната прес конференција на Сојузот на стопански комори на Македонија (ССК).
