Во Собранието на Република Македонија денеска почна расправата за Дополнетиот предлог за изменување и дополнување на Буџетот за годинава, во второ читање. Ребалансот се заснова на проекција за раст на реалниот БДП од 2,8 проценти во 2018 година, а буџетскиот дефицит е непроменет и изнесува 2,7 проценти од БДП.
Светска банка го поддржува воведувањето прогресивно оданочување и смета дека тоа ќе ги зголеми приходите и ќе ја подобри еднаквоста. Во анализата „Прогресивност и еднаквост во оданочувањето на личните приходи“ се вели дека со рационализирањето на даночните ослободувања и воведувањето прогресивност во оданочувањето на личните приходи ќе се зголемат приходите во буџетот и ќе се подобри еднаквоста во Македонија.
Немањето одобрение од Министерството за транспорт и врски за измени во тек на градба и мислење од ИЗИС дека не е нарушена статиката на објектот со направените внатрешни измени, се основните причини што досега АД ЕЛЕМ не е вселен во новата деловна зграда на улицата „Македонија“ бб, велат од компанијата.
Продажните цени на производителите на индустриски производи, во септември, вкупно, се непроменети на месечно ниво, а се повисоки за 0,2 проценти на годишно ниво, објави денеска Државниот завод за статистика.
Околу 550 илјади евра беа доделени денеска на 12 субјекти од земјите од Западен Балкан, меѓу кои и од Македонија, за развој на културолошкиот и авантуристичкиот туризам на Западен Балкан.
Потребни се структурни реформи за зголемување на потенцијалот за раст на брзорастечките и растечките економии во Европа , оцени гувернерката на Народната банка на Република Македонија (НБРМ) Анита Ангеловска Бежоска при учеството на претставувањето на есенскиот Регионален економски преглед за Европа на Меѓународниот монетарен фонд (ММФ) што се одржа вчера во Копенхаген.
Македонската банкарска асоцијација бара одложување на оданочувањето на каматите на депозитите на граѓани најавено за од 2020 година, до влезот на земјата во ЕУ.
Во Подрачната единица на Министерството за земјоделство, шумарство и водостопанство во Велес неделава почна аплицирањето на лозарите од велешкиот поширок регион за добивање субвенција, 1 денар по килограм за предадено грозје од сортите „вранец“ и „смедеревка“, исклучиво во регистрирани Винарски визби.
Македонија годинава ќе забележи економски раст од 2,1 отсто, прогнозира Европската комисија во есенскиот извештај за економиите на земјите членки на ЕУ и државите кандидати.
Регионалната комора со седиште во Кавадарци ќе одржи работна средба во хотелот „Фени“ каде ќе се расправа за перспективите на локалната економија согласно моменталната состојба, проблемите и предизвиците.
