Државата не покрива долгови на приватни фирми, туку им помага на лозарите. Станува збор за човечка и суштинска одлука и неблагодарно е да се вртат тези дека се помагаат приватни компании, изјави денеска министерот за земјоделство Љупчо Николовски во врска со најавите дека ќе биде исплатен долгот што винариите „Повардарие“ и „Стефанис винарија“ го имаат направено кон лозарите во периодот од 2014 до 2016 година.
Предлог-законот за изменување и дополнување на Законот за задолжителни резерви на нафта и нафтени деривати во второ читање денеска е единствена точка од дневниот ред на собраниската Комисија за финансирање и буџет.
Делегација од Европската банка за обнова и развој (ЕБОР) од денеска до петок ќе престојува во посета на Македонија каде ќе оствари средби со владини претставници, бизнис лидери и граѓански организации.
Собранието на Република Македонија попладнево во рамки на 83. седница по скратена постапка ги поддржа дополнувањата на Законот за земјоделство и рурален развој кои предвидуваат финансиска помош за земјоделците што од 2014 година до денес ги продале своите производи, но за нив од откупувачите се уште не добиле пари.
Отписот на долговите за електрична енергија се однесува на заостанатите долгови на граѓаните заклучно со август 2005 година, односно до моментот од кога ЕВН ги презеде долговите од државната компанија ЕСМ. Освен долгот за струја, во предвидениот отпис е опфатен и долгот за радиодифузна такса која до тој период се прибираше преку сметките за струја, информира Владата на Република Македонија.
Од септември ќе се реализира зголемувањето од пет проценти на платите на судиите и судските службеници, а во тековниот Буџет има обезбедено околу 120 милиони денари за исплата на надоместоците, согласно Законот за судиите и судските службеници.
Соработката на Владата со концесионерот на аеродормите во Скопје и во Охрид, турски ТАВ, ќе се продлабочува и ќе се забрза процесот на реализација на инвестициите од ТАВ за инфраструктурни проекти во износ од 35 милиони евра, најавиле на денешната средба премиерот Зоран Заев и министерот за транспорт и врски Горан Сугарески со извршниот директор на ТАВ, Сани Сенер и генералниот директор на ТАВ Македонија, Алп Ер Тунга Ерсој.
Македонските компании од градежништвото имаат можност да се запознаат со трендот за дигитално водење на проекти од фаза на идеа, проектирање, градба, управување и одржување преку алатката BIM (Building Information Modeling) што се смета за најмоќна алатка за добивање на потребната енергетска ефикасност на зградите и ги намалува трошоците за проектирање и градба.
Нафтените деривати од ноќеска по полноќ се зголемуваат од половина до денар иполовина, одлучи денеска Регулаторната комисија за енергетика.
Со најавената мерка за отпис на стари долгови за потрошена електрична енергија нема да има никаква помош кон компаниите, туку само кон граѓаните кои имаат бесконечна голгота по судските и извршителските системи, најави денеска вицепремиерот за економски прашања Кочо Анѓушев.
