Индустриското производство во 11-те месеци од годинава бележи раст од 5,2 отсто во однос на тој период лани, а на месечно ниво во ноември индустриското производство забележа раст од 4,9 отсто, објави Државниот завод за статистика.
Од планираните два милиона килограми тутун во Струмичко тутунските компании досега откупиле околу 70 отсто.
Во 2019 година започнуваме сериозен градежен процес на патна, железничка и енергетска инфраструктура, порача вицепремиерот за економски прашања Кочо Анѓушев на вчерашната неформална предновогодишна средба и дружба на економскиот тим министри во Владата на Република Македонија со претседателите на стопанските комори и претставници на бизнис секторот во земјава.
Од МТСП најавија реформи преку зголемување на придонесите за 0,5 отсто за стабилизирање на Фондот и намалување на дупката од 310 на 275 милиони евра годишно. Министерката за труд и социјална политика Мила Царовска истакна дека реформите во пензискиот систем треба да овозможат праведна и стабилна исплата на пензиите и негова одржливост за 50 години од денеска. Нагласи дека со предложената реформа нема да има зголемување на старосната граница и нема да има замрзнување на пензиите.
Денеска почна кампањата за информирање и едукација за ИПАРД-фондовите, со првата работилница на тема „Користење на средства од Инструментот за претпристапна помош на Европската Унија за рурален развој – ИПАРД 2014 – 2020“.
Во насока на реализација на програмските цели и задачи на Стопанската комора на Македонија за поефикасно извршување на активностите за унапредување на пазарното стопанство, претприемништвото и поттикнување на конкурентноста кај компаниите – членки, Комората го продолжува процесот на континуирано унапредување на своето работење.
Во подрачната единица на Министерството за земјоделство во Кочани веќе е завршен приемот и регистрацијата на потврдите за предадена арпа кај овластени откупувачи во регионот, по што утврдената листа ќе биде предадена кај надлежните служби што понатаму ќе постапуваат за исплата на субвенциите.
Прогласените 154 работници за технолошки вишок од приелпската наменска фабрика „Еурокомпозит“ денеска протестираа пред фабриката за недобиените, а договорени пари за отпремнини. Велат се чувствуваат измамени и понижени од раководството на „Еурокомпозит“ кое не се држи до договореното за исплтата на дел од отпремнините.
Од почетокот на годинава досега инспекциските служби на Агенцијата за храна и ветеринарство (АХВ) извршија вкупно 55.820 контроли кај операторите со храна.
Од 1-ви јануари 2019 година пазарџиите ќе треба да почнат да се снабдуваат со лиценци, согласно имплементацијата на Законот за зелени пазари, со што ќе можат да го решат проблемот и нивниот статус и ќе можат слободно без никакви пречки да продолжат да работат во зелените пазари, упати повик претседателот на Комората на трговци на Македонија Екрем Долек.
