Собранието на Република Македонија денеска ја почна расправата по дополнетиот Предлог буџет за 2019 година со кој како што образложи министерот за финансии Драган Тевдовски главните цели се повисоки стапки на економски раст, подобар животен стандард на населението, владеење на правото, повисоко ниво на социјална правда и зачленување во ЕУ и НАТО
Во третиот квартал од 2018 година БДП порасна за три отсто на годишна основа. Иако овој раст е се уште под потенцијалот на економијата, тој укажува на блага стабилизација на економската активност по продолжениот период на политичка неизвеност, пишува во „Макроекономскиот монитор за третиот квартал“ што го публикуваше Finance Think.
Македонија треба да се развива како „Македонија мегалополис“, односно цела земја како еден град што подразбира јавната администрација од Скопје да се пресели во 10 градови. На таков начин ќе се намали иселувањето од државата и ќе се зголеми средната класа, смета професорот Марјан Бојаџиев од Универзитетот Американ Колеџ Скопје.
Асоцијацијата за е-трговија на Македонија (АЕТМ) и Стопанска комора за информатички и комуникациски технологии – МАСИТ, денеска потпишаа меморандум за соработка, со цел заеднички да придонесат кон развојот на е-трговијата и развивањето на способностите, дигиталната писменост и градењето на капацитети во секторот за е-трговија во Република Македонија, се наведува во соопштението од АЕТМ.
Вкупните приходи се планирани на 210,8 милијарди денари, а расходите на ниво од 228,5 милијарди денари. Буџетскиот дефицит ќе изнеусва 17,7 милијарди денари, односно 2,5 отсто од БДП.
Државните хартии од вредност од наредната година ќе котираат на Македонската берза, со што стануваат подостапни за инвеститорите и ќе придонесат за развој на пазарот. Договорот денеска го потпишаа министерот за финансии Драган Тевдовски и извршниот директор на Македонска берза Иван Штериев.
Проектирањето на првите 1,9 километри од автопатот Скопје-Блаце ќе биде завршено во текот на следниот месец, веднаш потоа ќе почне тендерирањето, а се очекува во следните неколку месеци да почне и изградбата на тој дел од делницата, најави денеска министерот за транспорт и врски Горан Сугарески.
Тркалезна маса на тема „Македонија Мегалополис – и други идеи за регионален развој, спречување на иселувањето и создавање на средна класа во Република Македонија” ќе се одржи денеска во Македонската академија на науките и уметностите (МАНУ) во организација на Центарот за стратегиски истражувања при МАНУ, Универзитетот Американ Колеџ Скопје и Finance Think.
Министерството за финансии и Македонска берза денеска ќе потпишат договор за котација на континуираните државни обврзници.
Владата на денешната седница обезбеди 385 милиони денари или над 6,2 милиона евра за исплата на преостанати субвенции за неколку мерки од Програмата за финансиска поддршка во земјоделството за 2017 година.
