НУ Музеј Куманово објави јавен повик до академските ликовни уметници од општината за учество на изложбата „Кумановски ликовни уметници", која ќе биде поставена на 10 ноември, годинава. Крајниот рок за пријавување за учеството е 25 октомври, соопштија надлежните од Уметничката Галерија, од каде додадоа дека за изложбата ќе биде испечатен каталог.
Уметници од Македонија од денеска до недела ќе ја изразат својата креативност на различни локации низ Струга на првиот фестивал на муралот „Мурал фест Струга“.
Во Кинотеката на Македонија денеска и утре ќе се одржува есенското издание на фестивалот „Скопје синема сити“ кој е фокусиран на музиката и нејзиното филмско претставување.
Археолозите од Заводот за заштита на споменици (ЗЗС) и Музеј на град Штип од денеска почнаа со конзерваторски истражувања на објектот кој за штипјани е познат како црквата Свети Илија или Хуса Медина пашина џамија.
Македонскиот народен театар со претставата „Разговори во четири очи“ ќе гостува на 6. Интернационален театарски фестивал „Московски ноќи“, кој од 5 до 9 октомври ќе се одржува во Митишчанскиот театар за драма и комедија „Фест“ во Русија.
На отворањето утревечер во 20 часот во кино „Милениум“ ќе и биде врачена награда за особен придонес во филмската дејност, а задутре од 18 часот во кино „Милениум“ во рамки на „Бела ноќ“ во нејзина чест ќе биде прикажан филмот „Жената со скршен нос“ на Срѓан Кољевиќ од 2010 година, во кој таа игра една од главните улоги.
Најмалку пет етнички заедници во Македонија го слават Ѓурѓовден - Македонци, Роми, Турци, Албанци и Власи, и затоа се смета за празник кој не и припаѓа на државата, туку на народот. Значењето на ова нематеријално културно наследство е во неговата кохезивна функција во нашето општество. Ѓурѓовден се празнува на 6 мај и го слави будењето на природата и обновата на вегетацијата.
Ретроспектива на македонски филмови, со наслов „Панорама: Од ризницата на македонскиот филм“, од утре до 9 октомври ќе се прикажува во киното „Тушканац“ во Загреб.
Третиот Меѓународен фестивал на дебитантски филм „Киненова“, кој ќе се одржува од 5 до 10 октомври, денеска неофицијално ќе почне со проекција на филмот „Исцелител“ на Ѓорче Ставрески од 18 часот во кино „Фросина“. Од 20 часот во „Фросина“ ќе биде прикажан и „Изборот на кралот“ - филм од Норвешка, која годинава е земја во фокусот на фестивалот.
По премиерата во јуни, Македонската опера и балет вечер од 20 часот повторно за публиката ќе ја прикаже танго-балетската претстава „Либертанго“ од Астор Пјацола, која ја раскажува животната приказна на овој композитор и почетоците на тангото во неговата родна Аргентина во втората деценија на 20 век.
