Земјотрес со магнитуда од три степени и епицентар кој потекнува од струмичкото подрачје е регистриран ноќеска во 02:10 часот.
Македонските ниви ги обработуваат земјоделци, чија просечна старост е 57 или 58 години. Младите не се заинтересирани за производство на храна во своите села, забележува, Ефтим Шаклев претседател на Асоцијацијата на земјоделците, но и универзитетските професори, кои работеле на истражувања, спроведени на терен.
Претставници на општина Ресен и Националниот парк „Преспа“ од Албанија денеска во Ресен одржаа состанок за продолжување на прекуграничната соработка.
Во изминатите две децении во Кичево се бележи континуиран пад и од година на година има сѐ помалку новозапишани првачиња во Кичевско.
Филмскиот фестивал за млади „Џифони Македонија“ отвори повик за пријавување на 650 учесници за шестото издание на фестивалот што ќе се одржи од 6 до 11 октомври во Младинскиот културен центар, Кинотеката на Македонија, кино „Милениум“ и на уште неколку локации во Скопје. Темата на годинашното издание на фестивалот е вода.
Над 130 кандидати до денеска се пријавиле на огласот за вработување лекари и медицински персонал во Клиничка болница-Штип. Директорот на Клиничка болница-Штип, Ален Ѓеорѓијев вели дека бројот на пријавените не е конечен, бидејќи се очекува апликации да пристигнуваат и по пошта и тоа најдоцна до петок.
Од година во година се помал е бројот на првачиња во општина Маврово и Ростуше. За учебната 2018/2019 година во четирите деветолетки запишани се вкупно 52 првачиња или за десеттина помалку споредено со минатата учебна година. Поради непријавување на ниту едно дете подрачното училиште во селото Видуше се затвора.
Вкупно 5.000 слободни места има на 12 факултети и три академии на Универзитетот „Гоце Делчев“ (УГД) во Штип. Уписите на студенти во прва година почнаа од денеска, а ќе траат до трети септември.
Здравствената заштита на населението во општина Гевгелија се одвива во отежнати услови но на едно задоволително ниво во однос на капацитетите и човечките ресурси со кои располагаме во моментот како и значителната редукција на извршители од сите профили и критично ниво на финансиски средства,оцени денеска Митко Крџев,директор на ЈЗУ Општа болница со проширена дејност.
На граничниот премин Табановце има зголемена фреквенција на возила, а за излез од Македонија се чека од 30 до 45 минути, соопшти АМСМ.
