Педесет и осумгодишниот Т.И. од Република Албанија со пријавен привремен престој во Кичево починал вчера по пад од дрво во село Брждани, Кичевско.
Непознат сторител вчера извршил разбојништво во канцелерија на „Брза Пошта“ на булевар „Јане Сандански“ во Скопје.
Непознат сторител ноќеска околу 15 минути по полноќ извршил разбојништво во спортска обложувалница на улица „Панче Поповски“ во Гостивар.
На крстосница од улица „Лука Геров“ и улица „Марк Твен“ во Скопје вчера непознато возило управувано од непознат возач удрило во пешакот С.С.(58) од Пробиштип, по што побегнало од местото.
Шеесет и четиригодишниот К.М. од село Костурино, Струмичко, вчера околу 18.30 часот се превртел од трактор и починал на самото место.
Во полициска станица во Тетово вчера било пријавено дека П.П.(33) село Сараќино, Тетовско, околу 07.30 часот од возило „голф“ со тетовски регистарски ознаки, со кое се движел низ селото, од пиштол испукал два куршума кон Ќ.Е.(56) од истото село, кој одел пеш во близина на неговиот дом.
Во СВР Скопје вчера околу 12.25 часот Р.С. (36) од скопското село Батинци, пријавил дека во близина на гробиштата во село Батинци, додека се движел со неговото патничко возило „ауди“ со швајцарски регистарски ознаки, лицето М.Џ. од истото село пукало со огнено оружје кон него, по што побегнало.
Десетгодишно девојче вчера се здобило со тешки телесни повреди при пад по скали во двокатен автобус број 3 на Јавното сообраќајно претпријатие - Скопје.
Двајца гостиварци се лишени од слобода откако претходно се обиделе физички да нападнат полицајци кои вршеле контроли во сообраќајот.
Ќ.Е. (56) од тетовското село Сараќино бил погоден со куршум во десната натколеница откако вчера кон него со пиштол пукал неговиот соселанец П.П.(33), информираше портпаролот на СВР Тетово Марјан Јосифовски.
