Како што соопшти МВР, С.П. во периодот од 10:30 до 11 часот на некатегоризиран пат во село Ќоселери, општина Лозово, управувајќи трактор „ИМТ 533“ починал на тракторот, изгубил контрола и излетал во река.
Починато шестмесечно женско бебе од Штип, вчера во 10 часот било донесено од страна на таткото Џ.О. во штипската Клинчка болница. Како што соопшти МВР, од страна на лекар била констатирана смрт без траги на насилство.
Две лица се потешко, а десет полесно повредени во 11 сообраќајни несреќи евидентирани на подрачјето на СВР Скопје во изминатото деноноќие. Од сообраќајките три биле со причинета материјална штета.
Кривична пријава е поднесена против 55-годишен жител на Крива Паланка поради основано сомнение дека извршил полов напад врз дете кое не наполнило 14 години.
Маж на возраст од околу 60 години синоќа околу 19 часот бил забележан како се дави во водата во близина на гумената брана кај речното корито на Брегалница во централното градско подрачје во Делчево. Случајни минувачи го забележале лицето и веднаш го извадиле од водата укажувајки му прва помош.
Против 33-годишниот кумановец И.Б. СВР Куманово поднесе кривична пријава поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“.
СВР Велес поднесе кривична пријава против четворица жители на Градско поради тоа што на 1 август кај железничката постројка кај с.Виничани физички нападнале мигрант од Пакистан и му одзеле 6.000 денари и 150 евра кои му биле во ранецот.
Девет мигранти и возачот 19-годишник од Скопје кој ги превезувал во патничко возило вчера на излезот од автопатот кај Демир Капија биле запрени и приведени во Полициска станица за понатамошна постапка.
Полициската станица од Струга поднесе кривична пријава против М.Ц.(21) од струшкото село Октиси, поради постоење основи на сомнение за сторено казнено дело „загрозување со опасно орудие при тепачка или караница“.
Триесетгодишен маж синоќа во Велес со нож прободел свој сограѓанин во ходник во станбена зграда, при што му нанел повреди во пределот на градниот кош.
