Клиничките истражувања во Турција потврдуваат дека вакцината на кинеската компанија Синовак е 83,5 отсто ефикасна против Ковид-19, што е значително поголем процент во однос на оној што е утврден на клиничките тестирања во Бразил, каде ефикасноста изнесувала 50,38 проценти.
Американскиот државен секретар, Ентони Блинкен, во денешното обраќање до јавноста ги изложи правците на надворешната политика на САД, за што истакна дека „како никогаш порано границите меѓу внатрешната и надворешната политика речиси и да не постојат“.
Најмалку 33 демонстранти се убиени денеска од страна на безбедносните сили на Мјанмар, што е најголем број жртви од почетокот на протестите поради воениот преврат извршен на 1 февруари.
Израелскиот премиер Бенјамин Нетанјаху денеска ја осуди одлуката на главната обвинителка на Меѓународниот кривичен суд (МКС) во Хаг, Фату Бенсуда, за испитување на потенцијалните воени злосторства извршени од Израел на Западниот брег, Појасот Газа и Источен Ерусалим.
Индексот на менаџерите за набавки на Markit (PMI) за февруари, кој се смета како добар показател за економското здравје, се зголеми на 48,8 поени од 47,8 поени во јануари, но сепак останува под границата од 50 поени, одделувајќи го растот од падот.
Велика Британија стартува нов визен систем за олеснување на пристигнувањето во земјата на странски стручњаци, особено од областа на науката, истражувањето и технологијата, соопшти денеска британскиот министер за финансии, Риши Сунак.
Кинеската влада ги негира обвинувањата за присилна работа и трансфери на работна сила во Синџијанг, објаснувајќи дека работните програми се доброволен елемент на нејзините цели за намалување на сиромаштијата.
Просечен Европеец, и покрај зголемената еколошка свест, секоја година собира по 26 килограми текстил, додека 11 килограми фрла, а најголем дел од користената облека (87 отсто) завршува на депонии. Тоа се податоци на кои укажува Европскиот парламент.
Светската здравствена организација (СЗО) во моментот е против воведувањето на специјални сертификати или ковид пасоши за луѓето кои примиле вакцина против коронавирусот, изјави денеска претставникот на СЗО за Русија, Мелита Вујнович.
Полската биотехнолошка компанија „Мабион“ потпиша прелиминарен договор за производство на вакцината на Новавакс против Ковид-19 со финансиска поддршка од државниот фонд, како дел од владините напори за забрзување на вакцинацијата на населението.
