Поддржувачите на Брегзит во партијата на Тереза Меј „најверојатно“ утре ќе повикаат да се гласа недоверба на лидерката, соопшти политичкиот уредник на Би-Би-Си Лора Кунсберг, повикувајќи се на висок член на Конзервативната партија.
Британски „Гардијан“ објави снимка на која се слушаат гласови на мигранти кои тврдат дека ги претепале хрватски полицајци при обид да преминат од Босна и Херцеговина во Хрватска.
Влијателни личности во Германија се обидуваат да ја убедат Владата во Берлин да не дозволи кинески компании, како „Хуавеи“, да ја градат инфраструктурата за мрежи од петтата генерација (5Г), поради загриженоста за националната безбедност.
Во предлог-извештајот на Европскиот парламент за Турција се предвидува европратениците да повикаат на официјален прекин на преговорите за членство на Анкара во ЕУ, тврди турската телевизија НТВ.
Светот се прашува кој од врвот го нарачал убиството на саудискиот новинар Џамал Кашоги, изјави денеска портпаролот на турската владејачка партија Омер Челик, јави агенцијата Анадолија.
Рускиот претседател Владмир Путин и американскиот потпретседател Мајк Пенс денеска се ракуваа на свечената вечера за учесниците на Самитот на Асоцијацијата на државите од Југоисточна Азија, што се одржува во Сингапур.
Водечките земји во ЕУ, Германија и Франција и актуелниот претседавач со Унијата, Австрија, изнесоа различни оценки за утврдениот предлог-договор за Брегзит.
Еврокомесарката за трговија Сесилија Малмстром ги предупреди САД дека Брисел ќе ги смета сите дополнителни царини за увоз на автомобили како „непријателски чин“.
Рускиот претседател Владимир Путин и јапонскиот премиер Шинѕо Абе денеска се договорија за забрзување на процесот на преговори за надминување на територијалниот спор меѓу двете земји, стар повеќе од 70 години, соопшти портпаролот на Кремљ, Дмитриј Песков по средбата на двајцата лидери во Сингапур.
Системскиот неуспех на земјите-членки на ЕУ за примена на правилата на ЕУ за контрола на извозот на оружје треба да се реши со механизам за санкции, соопшти денеска Европскиот парламент.
