Вулканот Агунг на индонезискиот остров Бали еруптираше денеска, при што исфрли чад во висина од 2.000 метри.
Советникот на американскиот претседател за национална безбедност Џон Болтон изјави дека САД имаат едногодишен план како да стават крај на севернокорејската нуклеарна програма.
Германскиот министер за внатрешни работи Хорст Зехофер, кој е и лидер на Христијанско-социјалната унија (ЦСУ), и понуди оставка на канцеларката Ангела Меркел, незадоволен од исходот на самитот на Европската Унија на кој се утврди новата миграциска политика.
Во својот трет обид, левичарскиот кандидат Мануел Лопез Обрадор (64) победи на изборите во Мексико со 53 проценти од гласовите, далеку над конзервативните кандидати. Противкандидатот Хозе Антонио Меад му честиташе на Обрадор на победата, а честитка упати и американскиот претседател Доналд Трамп.
„Европа која штити“. Ова е мотото на Австрија која во втората половина на годинава или до крај на 2018 ќе претседава со Европската унија. Ова е трет пат Австрија да претседава со Унијата по 1998 година и 2006 година.
Членови на британскиот кабинет првпат направиле тајна подготовка за тоа како ќе дејствува Владата за време на 10-дневната национална жалост, која ќе биде прогласена кога кралицата Елизабета Втора ќе почине, пишува весникот „Сандеј тајмс“.
САД ќе воведат санкции за европските компании кои тргуваат со Иран, предупреди денеска американскиот претседател Доналд Трамп во интервју за Фокс њуз.
Во Шведска денеска стапи во сила закон за согласност на сексуален контакт, со кој ќе се смета за принуда секој сексуален чин извршен без јасна согласност, дури и во случај да нема закана или појава на насилство.
Најмалку 18 лица загинаа, а 20 се повредени денеска во самоубиствен напад на пазар во авганистанскиот град Џалалабад, во провинцијата Нангархар, соопштија здравствените власти.
Иран ќе им дозволи на приватните компании да извезуваат нафта, како дел од стратегијата во борбата против американските санкции, изјави денеска иранскиот потпретседател Есках Џахангири.
