Како што јави дописничката на МИА од Атина, грчката новинска агенција АНА-МПА, ги пренесува ставовите на премиерот Заев поврзани со разговорите за името, членството на Македонија во НАТО и евентуалната средба со Алекис Ципрас.
Од половина евро до четири евра, во зависност од видот на сместувањето, ќе бидат повисоки цените во Грција во изнајмените апартмани и хотелите, поради новиот данок на престој што стапи во сила на почетокот на годинава.
Потребно е да се најде решение на проблемот со името, а со еден чесен договор, нема да постојат никакви двоења, вели во разговор со дописничката на МИА од Атина, Никос Мерѕос, грчки писател, историчар, новинар.
Српскиот министер за одбрана Александар Вулин изјави денеска дека Србија е воено неутрална држава, која сама носи одлуки и не треба да се потчинува на ничија политика.
Драган Човиќ хрватски член на Претседателството на БиХ и домаќин на политичкиот и економски собир во Мостар изјави за РТС дека ќе разговара со српскиот претседател Александар Вучиќ за сите теми што се недовршени и за тоа како да се зајакне економската соработка.
Со Владата на Заев се отвори прозорец на можности за решение и не треба да ја изгубиме шансата, вели потпретседателот на европскиот Парламент и шеф на европратеничката група на СИРИЗА, Димитрис Пападимулис, во интервју за грчката телевизија Скај.
Разликите со Скопје можат да се решат со смелост, вели министерот за надворешни работи на Грција, Никос Коѕијас во интервју за германскиот весник „Шпигел“.
Тој истакна дека „на чело на Србија, после долго време, се наоѓа претседател кој има храброст да се носи со посилни од себе и кој издржува притисоци“.
Косовскиот министер за надворешни работи Беџет Пацоли изјави дека Приштина никогаш нема да разговара со Белград за можноста за размена на територии.
Разговорите за името и раздвижувањето во преговорите меѓу Скопје и Атина не влијаат на туризмот и туристичкиот бран од Македонија кон Грција, смета Григорис Тасиос, претседателот на грчката Федерација на хотелиери и претседател на Сојузот на хотелиери од Халкидики.
