На локација во хотел „Водно“ денеска почнува снимањето на краткометражниот игран филм „Вера“ по сценарио и режија на Верица Недеска, копродукција помеѓу „Стори скоп“, „Фокус покус филмс“ и Филмската академија од Охрид.
Македонската комедија „Година на мајмунот“, по режија и сценарио на Владимир Блажевски, се натпреварува на три реномирани балкански фестивали - во Палиќ, Приштина и во Херцег Нови.
Кејт Винслет, Дајан Китон и Мија Васиковска ќе се појават во „Blackbird”, обработка на данската драма на Били Огуст „Тивко срце“ од 2014.
Македонскиот игран филм „Џган“, по сценарио и во режија на Вардан Тозија, а продуциран од Огнен Антов, беше прикажан на еден од најголемите и најпрестижните фестивали во регионот, филмскиот фестивал во Пула, Хрватска.
Француската актерка и супермодел Летиција Каста ќе игра во една од главните улови во играниот филм „Зад хоризонтот” (Le Milieu De L’Horizon) кој ќе се снима во околината на Битола од 20-ти до 24 јули, соошти продукцијата „Кино око“ од Скопје, која е носител на филмскиот сервис во овој проект.
Познатата хрватска актерка Марија Кон почина вчера наутро по долго боледување, на 84-годишна возраст, објави Хрватското друштво на драмски уметници.
Сценарио напишано од Стенли Кјубрик и неговиот соработник Калдер Вилингам во 1956 година, под наслов „Burning Secret”, е пронајдено сосем случајно од страна на Британската филмска академија, при собирање податоци за класиката на Кјубрик, „Очи широко затворени“.
Новиот филм „In Darkness“, со Натали Дормер (позната по ТВ серијата „Игра на престолите“) и манекенката Емили Ратајковски во главните улоги, предизвиика негативен одѕив меѓу критичарите поради „бесплатната голотија", како што некој од нив ја нарекуваат голотијата без причина, пишува „Есквајр“.
Во рамки на програмата Warm Up на „Струмица опен фестивал“ вечер ќе биде прикажан филмот „Исцелител“ на режисерот Ѓорче Ставрески. Проекцијата е бесплатна и ќе биде на отворено - на езерцето во Градскиот парк во Струмица.
Македонскиот игран филм „Исцелител“ на режисерот Ѓорче Ставрески од 19-ти јули ќе се прикажува во грчките кино сали. Својата кино премиера филмот ќе ја има во едно од најстарите кина во Атина – „Трианон“.
