Фестивал на виното во Македонско село
“Фестивалот на виното” има за цел афирмација на винската култура во Македонија, развој и негување на култот кон виното, претставување и промоција на најдобрите македонските винарии, надополнето со голем број вкусни специјалитети и деликатеси и богата музичка програма.
Отварањето на македонскиот фестивал на виното започна со етно групата Синтезис која на задоволство на бројната публика ги пееше најубавите македонски песни со современ призвук. Гостите имаа можност да уживаат во најубавите македонски вина и да дегустираат голем број на специјалитети, млечни и сувомеснати деликатеси. Покрај Синтезис на фестивалот ќе настапи и Каролина Гочева а двете вечери ќе бидат проследени со македонски чалгии.
