Украден полициски хеликоптер во обид за државен удар во Венецуела

Претседателот на Венецуела, Николас Мадуро изјави дека украдениот полициски хеликоптер испукал две гранати врз зградата на Врховниот суд во Каракас истакнувајќи дека е спречен терористички напад со цел негово симнување од власт.

– Активирани се оружените сили да го бранат мирот. Порано или подоцна, ќе го пронајдеме тој хеликоптер и тие кои го извршија нападот, изјави Мадуро.

Мадуро (54) наведе дека во нападот нема повредени.

Тој додаде дека хеликоптерот кружел и над зградите на министервата за правда и внатрешни работи. Мадуро тврди дека со хеликоптерот управувал пилот кој работел за поранешниот министер за правда и внатрешни работи Мигел Родригес Торес.