Меркел: САД нема да бидат дел од разговорите за климатските прашања

Самитот на Г-20 ќе ја потенцира изолацијата на САД во однос на климатските прашања, бидејќи многу земји се одлучни да продолжат да дејствуваат согласно Париската спогодба за климата, изјави германскиот канцелар Ангела Меркел.

– Разговорите за климатските промени со САД нема да бидат лесни, откако претседателот на САД Доналд Трамп го објави во јуни повлекувањето од спогодбата за борба против климатските промени, прогнозира Меркел, која е домаќин на самитот.

– Ние секако нема да ги криеме разликите, напротив ќе ги посочиме, бидејќи разлики во мислењата има за некои клучни прашања, додаде таа.

Советниците на лидерите на 20-те најразвиени економии во светот, кои неколку дена работат на заклучоците на декларацијата на самитот се ориентираа кон текст, кој констатира несогласуања во однос на климата.

Конечниот текст би требало да нагласи дека Париската спогодба за климата е неповратна.

Во меѓувреме во Хамбург вечерва избувнаа судири меѓу неколку илјади лица кои простерааа против самитот на Г-20 и полицијата, која употреби солзавец и водени топови за да ги растера демонстраните.

Во протестот учествуваа околу 12 илјади лица, меѓу кои аниглобалисти, анархисти, левичари и обични жители на градот.

Судирите избија, која полицијата се обиде да острани од толпата неколку стотини екстремисти, облечени во црно и со маски на главите. Демонстрантите фрлале со камења и шишиња кон полицајците, а меѓу ранеите е и портпаролот на локалната полиција.