Трамп со најлош рејтинг во изминатите 70 години

Американските граѓани на американскиот претседател Доналд Трамп му доделија најлош рејтинг за првите шест месеци од мандатот, кој го имал досега претседател на САД во изминатите 70 години, јави Еј-Би-Си њуз, повикувајќи се на заедничка анкета, работена со весникот „Вашингтон пост“.

Во анкетата се најдоа прашања за компетентноста на Трамп на светската сцена, неговата ефективност, републиканскиот план за здравствена заштита и улогата на Русија на американските претседателски избори во 2016 година.

Триесет и шест отсто од Американците во анкетата изјавија дека ја поддржуваат работата на Трамп, што е за десет отсто помалку од процентите, кои ги доби во првите 100 дена во Белата куќа.

Најблизок на Трамп по ниското ниво на рејтинг по половина година на власт беше во февруари 1975 година претседателот Џералд Форд со 39 отсто поддршка.