ПСЖ со пресврт до првата титула оваа сезона

Фудбалерите на ПСЖ го освоија првиот трофеј во новата сезона од францускиот фудбал, откако синоќа во рамките на Супер купот на Франција го совлдаа шампионот Монако со 2:1 во мароканскиот град Тангер.

До триумфот ПСЖ стигнаа со пресврт, откако Монако поведе во 30. минута преку Џибрил Сидибе.

Пресвртот го најави новото засилување Дани Алвеш со голот во 51. минута, а потоа му асистираше на Адриен Рабио, кој го постигна победничкиот гол во 63. минута.

Ова за ПСЖ беше седми трофеј во Супер купот на Франција, а најуспешен тим е Олимпик Лион со осум пехари.