Зверев го освои Мастерс купот во Монтреал

Германскиот тенисер Александер Зверев е победник на „Роџерс куп“ во Монтреал, дел од Мастерс серијата.

Зверев во финалето неочекувано брзо и лесно го совлада Рожер Федерер во два сета со 6:3 и 6:4 во меч кој траеше само 68 минути.

Со ова Германецот ја прекина низата на Федерер од 16 победи во финалните мечеви сезонава, нанесувајќи му го на Швајцарецот само третиот пораз во 2017 година.

За Зверев ова е петта титула годинава и вкупно шеста во кариерата. Тој во 2017 година победи на турнирите во Монпеље, Минхен, Рим, Вашингтон и Монтреал, додека го загуби само финалето во Хале и тоа од Федерер.