Штербик го официјализираше трансферот во Веспрем

Унгарскиот ракометен шампион Веспрем претпладнево на официјалниот клупски сајт потврди дека голманот на Вардар, Арпад Штербик од следната сезона ќе биде нивни член.

Официјално, Штребик и Веспрем потпишаа договор за двегодишна соработка кој стартува на 1 јули 2018 година.

- Имав неколку понуди, но не можев да го одбијам повикот на Веспрем. Во текот на мојата кариера во животот, секогаш се борев за највисоките цели. Телеком Веспрем е еден од најдобрите европски тимови со години, па затоа немав дилеми каде да ја продолжам кариерата, изјави 38-годишниот Штербик.