Парада на голманот на Беневенто во 95 минута за 2:2 против Милан (Видео)

Голманот на Беневенто, Алберто Брињоли го постигна изедначувачкиот гол против Милан во петтата минута од судиското надополнување за прв бод на неговиот тим дури во 15. коло од Серија А.

На клупата на Милан дебитираше Џенаро Гатузо, но без очекуваната победа против аутсајдерот кој ги загуби досегашните 14 средби.

„Росо-нерите“ имаа водство во два наврата за на крајот да останат без целиот плен.

Головите за Милан ги постигнаа Бонавентура и Калиниќ, домаќините погодија преку Пускас и Брињоли.