ЗОИ 2018: Шест земји дебитираат на игрите меѓу кои и Косово

Во јужно-корејскиот град Пјонгчанг во тек е свеченото отворање на ЗОИ на кои за првпат ќе настапат 6 земји Ѐритреја, Еквадор, Косово, Нигерија, Сингапур и Малезија.

Свеченото отворање го следат 35 000 гледачи на лице место а на игрите ќе учествуваат 2.952 спортисти од 92 земји од светот, кои пак ќе се натпреваруваат во седум спортови, 15 дисциплини и на кои ќе има вкупно 102 натпреварувања.

Церемонијата во Пјонгчанг започна со голем огномет, после што на сцената стапија изведувачи со перформанс на боречки вештини, а после тоа е претставено и културното наследство на Јужна Кореја, традицијата, историјата.