Делчевец блудничел врз малолетно девојче на семеен пријател

Сопружници од Делево вчера пријавиле во полиција дека, додека не биле дома, семеен пријател блудничел врз нивното малолетно девојче.

Децата на возраст од 12 и 14 години биле дома со нивниот дедо, кога дошол семејниот пријател. Околу 22:30 часот, синот им кажал на родителите кои во меѓувреме се вратиле, дека, пријателот ја допирал сестра му по телото во дневната соба и и рекол да не кажува никому.

Увид на местото извршила екипа од Полициската станица Делчево. Лицето е повикано и задржано во полиција. Против него ќе биде поднесена кривична пријава и во текот на денот ќе биде изнесен пред судот во Кочани.