Нишикори против Надал во финалето во Монте Карло

Јапонскиот тенисер Кеи Нишикори се пласираше во финалето на Мастерсот во Монте Карло, откако го совлада Александер Зверев со 2:1 во сетови (3:6, 6:3, 6:4).

Нишикори, кој е на 36-то место на АТП листата, по два часа и 15 минути игра го победи Зверев, кој се наоѓа на четвртата позиција на листата.

Германскиот тенисер добро го започна натпреварот и со 3:6 го освои првиот сет.

Но, Нишикори се врати во игра и го доби вториот сет со 6:3, а во последниот сет покажа повеќе концентрација во финишот и победи со 6:4.

Јапонскиот тенисер во финалето ќе се соочи со бранителот на титулата Рафаел Надал.