Севернокорејски медиуми повикуваат САД да ги укине санкциите за Пјонгјанг

Северкјорејски медиуми ги повикуваат САД да ги укинат санкциите против таа држава, наведувајќи дека Пјонгјанг демонстрирал добра волја со тоа што го запрел тестирањето нуклеарно оружје и ги предал посмртните останки на американски војници убиени во Корејската војна.

Медиумите го обвинуваат Вашингтон дека се однесува спротивно на плановите да се унапредат односите меѓу двете држави и покрај добрата волја на Северна Кореја.

-Од Стејт департментот слушаме аргументи дека нема да се намалат санкциите додека не се заврши денуклеаризацијата, пишуваат медиумите. Притисокот и санкциите медиумите ги нарекоа „анахронистички“ и пречка за подобро утре и побараа дополнителни напори и официјално да се прогласи крај на Корејскат војна.