Керч: Бројот на убиени порасна на 20, од кои 11 се малолетни

Бројот на жртвите во вчерашниот напад во колеџ во Керч на Крим, се зголеми на 20, соопшти министерката за здравство на Русија, Вероника Скворцова.

– Загинаа 20 лица, меѓу кои 15 студенти и пет вработени на факултетот. Од 15 настрадани студенти, 11 се малолетни, изјави таа.

Министерката наведе дека се хоспитализирани 44 луѓе со „различен степен на повреди“.

Како извршител на нападот е идентификуван Владислав Росљаков(18). Властите соопштија дека случајот се води како масовно убиство, а не тероризам како првично што се сомневаа.

На Крим е прогласена тридневна жалост.