Работнички подобар од играчите од Џеј-Би-Еј лигата

Актуелниот шампион на Македонија, Работнички во пријателски натпревар го совладаа со 127-122 комбинираниот тим на американската Џеј-Би-Еј лига (JBA), која вечерва гостуваше во „Градскиот парк“. Ова беше прв пораз на Џеј-Би-Еј селекцијата по серија од 12 победи.

Позади Џеј-Би-Еј лигата стои Лавар Бол, татко на играчот на Л.А. Лејкерс, Лонзо Бол, а во тимот играат неговите браќа – Ламело и Лианџело.

Во неа настапуваат талентирани кошаркари кои не сакаат да влезат во системот на НЦАА

Во составот на Американците вечерва беше само Лианџело Бол, додека најмладиот од тројцата браќа, Ламело, поради повреда го пропушти дуелот.

Американците во Скопје дојдоа како дел од големата светска турнеја, при која ќе посетат уште 19 држави.