Без вода Росоман, Манастирец, Рибарци, Сопот и две компании од Кавадарци

Без вода за пиење се селата Росоман, Манастирец, Рибарци, Сопот и две компании од Кавадарци, поради дефект на главната водоводна линија.

Бојан Атанасов, раководител на работната единица за вододвод и канализација при Јавното претпријатие „Комуналец“ од Кавадарци, за МИА изјави дека нивни работници интензивно работат на отстранување на дефектот и нормализирање на водоснабдувањето.