На македонските планини и над 50 сантиметри нов снег

Во попладневните часови во Македонија ќе има пообилни снежни врнежите, особено во западните делови, каде се очекува да се формира нова снежната покривка и над 50 сантиметри.

– Насекаде ќе се формира нова снежна покривка од 10 до 30 сантиметри, а на планините во западните делови од Републиката и над 50 сантиметри. Заради ниските температури ќе има појава на голомразица. Ќе дува слаб до умерен ветер од југоисточен правец, информираат од Управата за хидрометеоролошки работи.

Во западна и северна Македонија и утре ќе има врнежи од снег. Снежната покривка во овие делови дополнително ќе се зголеми за 10 до 20 сантиметри. Од петок до недела времето ќе биде стабилно и суво со ниски утрински температури и со услови за магла по котлините, велат од УХМР.