Усик најдобар боксер за 2018 во ВБЦ верзијата

Украинецот Александар Усик е прогласен за најдобар боксер во 2018 година од страна на Светскиот боксерски совет (WBC).

Минатата година Усик го освои купот „Мухамед Али“ и стана апсолутен светски шампион во првата тежинска категорија.

На 21 јули 2018 година во Москва, Усик со едногласна одлука на судиите го победи Мурат Гасиев кој ги бранеше титулите во ВБЦ и ВБО шампионатите и ги презема од Гасиев ИБФ и ВБА појасите.

Покрај тоа, Усик го победи и Тони Беле, во меч за одбрана на шампионските титули.